誤入歧途一刀切非良策, 年青人應給予自新機會
摘自新報馬經版匡公(第五類接觸)專欄

  聖誕普天同慶，年青人尤其鍾愛，連朝五點出門去沙田開工，途中所見唔少十八廿二
男女，依然通街結伴，喜氣洋洋。反觀馬圈一群本地騎師，賴維銘、丁仔、余家三姐弟、
莫振華、謝百興、謝展鵠、曾錦銓、薛順強、李啟榮、鄭昌達，位位準時開工，
聖誕無休，相信要到昨日(廿六號)晚上，才有一天假期，記憶所及，以往英國人管治
時代，每逢聖誕，唔少馬圈後生哥，靜靜雞開小差，顯然．踏入97之後，管理層換上
自己人，熟悉儒家思想，需要整頓，是故漸漸家長式手法施行一群本地學員，加上連場
廉政行動後，大部分心智末夠成熟的年青人，知道現階段，為前途需要犧牲某些活動，
有道經一事，長一智，基本上，現時施行家長式略嚴管束，呢班後生仔女，並冇做錯，
但是否獲得全部傳媒角度認同，是另一回事聖人也有錯，但最重要一點，知錯能改，
馬會才不致於白白浪費自己大量資源培訓成功本地人材，近日聖誕長假期，行家總算
愉得浮生半日間，擺龍門陣之餘，曾經交換下意見，究竟，最近連串秋後算賬，
翻查九七年前發生本地騎師條件限制賽，嫌造馬者，即使證據確鑿之後，是否一刀切
全部驅離馬圈，等呢班只懂賽馬年青人，再在社會路上傍徨，不知何去何從，
抑或俾個機會，改過自新，響馬圈從頭做起?

  本公角度，如果涉案者只是九六年從犯，繼後再無加深有關活動，應該俾個機會。
話晒只係廿多歲年青男女，錯過自更珍惜，無必要硬將其推落深淵!

 查理莫註:  正所謂英雄所見大同, 查理莫與匡公想法一樣, 正所謂誰能無過, 聖人
            都有錯, 又何況凡人呢, 社會上很多名人都曾經錯過, 知錯能改, 善莫
            大[然], 馬會好應該給他們一個機會, 改過自身, 也不枉馬會花費一番
            心血教育他們呢!
            

完