天 馬 行 空 巴 士 站
嚴格來講，自己只是一個巴士喜好者，愧不敢當話係巴士迷。我對巴士的投入程度的確很有限；而我所留意的大都只是路線資料，又或是一兩區的巴士網絡架構。巴士雖是我眾多興趣的其中之一，但相比起我對音樂和波鞋來講，後兩者的瘋狂程度，真的遠遠超過其他興趣。
點解會留意巴士？大底是我經常都會搭吧！再加上喜歡聽電台的我，搭巴士唔會好似地鐵咁收唔到呢！久而久之，也使我漸漸喜歡坐巴士，一邊遊車河看風景，一邊聽歌。
講真，自己就沒有像其他真正的巴士迷咁四圍影相（基本上係冇添），又沒有去買各款各樣的巴士模型呀，巴士書呀，搞牌機呀，牌布呀咁，而對巴士的認識更加只是止於佢係幾多米車，個車組編號咁。如果你問我架巴士係那款底盤呀、車身呀、馬力呀等等，我會分分鐘 hang 機！>_<
反而一些資料搜集性的事，如紀錄掛牌車、看通告、乳豬盤咁，我倒喜歡做。每次都會係自己晌街度捕下車、抄下字軌咁。我雖然未曾有幸認識過任何一位司機站長，既沒法可以八卦到一些幕後資料，又不可以搭下順風車，但當見所有資料都自己一手一腳去獲得，而我又可以自由自在咁做回自己的事，已經是非常滿足了。
小小心意，只想你會意！
請選擇以下連線
Please select the following
links:
轉車站 [現已啟用]
港島區及機鐵巴士掛牌網 [已關閉 -__-]
六•綠•網 [暫未啟用]
Last updated: 24-08-2003 22:56:55