我 愛 崇 基
「舉起你的左手：『我愛、我愛』；舉起你的右手：『崇基、崇基』；我愛崇基，我愛崇基，o野！」
「我話俾你 o地知，我 o地崇基人，唔係聯合新亞逸夫！」
以上就係香港中文大學崇基學院仝人 (上至院長院牧，下至學生職員) 最常用，又係最好氣勢 o既口號
喇！好話好話．．．
為 何 入 了 崇 基 ？
所有中大新生在註冊入學當日填表時，會有一項是問及他希望隸屬那間書院？新生就要在四個書院中
(崇基、新亞、聯合、逸夫)依次序揀，當然大多時都會派到第一志願的，但都會有例外 o既。
可是，新生基本上都未弄清楚書院制是什麼，何來揀書院？這樣，就好靠新生從一些讀中大的師兄師姐
中探口風，又或是當日已經埋伏在註冊附近地方的各書院密探慫恿慫恿了。
而我呢？我就梗係填O左崇基第一啦！其實當中有幾大因素令我這樣揀的。有自願，也有被迫的．．．
(一) 地方因素：其他三院的位置都是在山頭或另一邊山腰，甚為隔涉不便，下下要搭校巴，太夜又唔方便，
反而崇基近火車站，巴士站，又有自己的大門口，無論平時出入中大，或是半晚宵夜均絕對方便！^ p ^
(二) 設施因素：崇基在四院中擁有最多宿位及冷氣宿位，除了一般書院都有的圖書館、飯堂外，更有自己的
運動場、康樂室、又大又靚又保持天然氣息的湖泊樹木景色，而大學運動場又在附近，只需行不少於三分鐘
就到，無論上ＰＥ定鬥波都咁方便。
(三) 獎學金：雖然我讀書唔叻，而崇基o既獎學金數量又不是全中大最多，但勝在份量大，絕大部份都係萬
萬聲，而全費的也不少哦！
(四) 宗教原因：崇基是四院中唯一有宗教背景的書院，校方亦在一般書院活動內 (通識教育、週會) 外 (聯
誼、學生) 保持、提倡「崇奉基督」的精神，對於我這一個基督徒來講，的確是在靈性上有所幫助。
(五) 以上的四個都是我自己揀崇基的原因，不過最後一個就．．．是被迫的。因為．．．
－－我所讀的音樂系是中大其中一個特別的系，只是隸屬於崇基學院一個書院！
換言之，就算我點選都好，我最終都會係入 o左崇基 o既．．．
咁咪仲好，同佢咁有緣份，你叫我日後點唔會幫崇基出力？^_^
Last updated: 17-02-2002 20:35:03