《一生人的第一次》 ∼　by JG

當友達們一干人等出發去仙台時，我心裡絕對是酸得像G-Shock Goro一樣，我只好期待她們回來帶給我concert的紀念品及她們的喜悅。

一直麻煩好多人替我找門票，實在是萬分唔好意思，咁多位，煩到你地真係唔好意思！

在11月初左右，我日本的朋友說替我找到一張票，於是我開始與我的一位不是fans的朋友計劃旅程，過程相當複雜，主要是要找多一張門票給我朋友，因為我並不希望她一個人孤伶伶留在民宿。幸好，最後我都為她找多一張門票。

22/11　5:30pm　到達崎玉會場
一出車站，已是人山人海，對於是一個第一次參與SMAP演唱會的我，真是興奮莫名。再到買紀念品的地方，果然令我嚇了一跳，雖然看是很混亂，但我發覺她們都是有秩序地購買，所以本來我預算要花上一個小時排隊，也只是用了15分鐘完成朋友們託我要買的東西。出奇地，同行朋友也買了一張木村Poster。

入場之後，發現自己的位置也離台很遠，有點兒失望，而且忘記了帶朋友借我的望遠鏡，可惡的我！

開場了，開場了，最初的我也只是乖乖地站著欣賞，但不到15分鐘，情緒到了，我也像其它Fans一般看著，唱著，跳著！

咦！點解Goro（my love）好似不是狀態？Nakai也是眼袋大大的！可能未熱身o卦（心想著）。

畢生難忘
在整晚演唱會中，除了Goro唱歌部份我最喜歡（當然啦，he is my love喎！），我最喜歡Nakai kun唱 "Chain Gang"，真是十分有型，而且我覺得Nakai唱得十分不錯，好吸引我！（其實我都好鍾意佢o架，另外仲有阿剛…… ），另外，唱""及" "我都好喜歡由燈打出來像下雪的佈景，好呀！仲有，仲有，有一隻歌，打出來佈景像是一幅大廈外牆的都好綺麗！！我同朋友都忍唔住叫“好靚呀”。（係邊隻歌呢？）

""
我想講下呢隻歌，因為真係好好笑！

Shingo及Nakai分別在台上左右上方，分別有兩個“痴”住o既大電視映住佢o地，Shingo首先無端端側身出現在營光幕上，Nakai初初唔知佢做乜，仲話佢攪乜鬼，跟住Nakai get到啦！Nakai又走去映住佢側身，然後佢地在電視上慢慢地“痴”埋一齊，一高一矮咁好似情侶咁kiss！！Kawaii呢！之後佢地正面咁“痴”埋一齊，變成一個陰陽人，一邊是Shingo一邊係Nakai的人樣！（你地明唔明我講乜呀？）Goro升上來之後，我覺得佢好辛苦，要將個頭兩頭擰同Nakai 及Shingo講o野。Nakai個口風琴壞o左，但隻歌已經開始o左，但佢走o左出台外換琴，因為要趕上拍子，佢好“呢”“hei”咁換樂器拍和！

總括來說，我呢一晚已經好心滿意足，親眼見到Goro，佢好靚仔，我好鍾意佢穿藍色恤衫牛仔褲，白色西裝及紅色衛衣的他，1.1.1.中的他也很落力，絕對不會因為自己運動細胞不夠而欺場，一樣跑得身水身汗！

23/11　4:00pm到　人生之中第二次
首先我們到會場外走一趟，我們遇上家輝哥哥，和他合照之後，見到有日本fans賣Smap的poster、相片、雜誌內頁等等，我也有用100yen買了一份Goro雜誌內頁，走到會場門口已經見到一大班記者，等待訪問木村！

今場我們坐在stand位，但我們覺得位置比昨天的好，反而好像更近花道及不用伸長頸看他們，而且，他們每個人都有走過花道，可以更近距離接觸他們 (eye contact)。

IDOL KICK-OFF
昨天的1.1.1.是要搶答比賽，mic stand放在中間花道前端，他們要走上前搶mic答，今天都是問答比賽，不過選分數題作答，例如20分的問題會比較深，因為我不太明白日文，我只聽懂1000零1條，問題是木村作答，內容是“去年Goro生日有幾多人送禮物比佢”，木村答“2人”，但答錯了，只有1人，那個就是…… Nakai kun！整晚1.1.1. 中，未到木村作答時，他都是站在遠遠一旁，而另外4個就遊戲繼續，這時的我，真擔心他啊！

Encore
我前面十米左右，有一條花道走下來的走廊，大家都知，Encore時氣氛最高，大家都忙於狂叫自己偶像名字，首先是Nakai走下我面前，然後Shingo，再者Tsuyoshi，佢逗留得最久，有成5分鐘，仲有倚欄向我們揮手。之後Takuya，Takuya同Shingo及Nakai只是站在欄中間向我們揮手，最後最後，我心想今次到Goro啦！最後只欠佢未下來，Goro…… Goro…… 我大聲地叫著…… 好可惜，佢仍然惜肉如金，愛惜身體，只有佢，我亦只想的他，沒有下來！殘念！

再Encore
昨晚的Goro上了右手方的吊臂，今晚，我坐左方，心想又不可以近距離望佢啦！哈！佢今晚竟然上o左台後方的吊籃，出奇出奇！不過佢真係好驚，當吊籃一升上而剛好又要唱歌，佢竟然…… 走音，但佢即刻唔唱，雙手“渣”實“渣”實…… 但佢面係上都有好靚仔的笑容！

日本Smap Concert之行感想
兩晚對我來說好任性的決定，令我一生難忘！加上同日Takuya的消息，令我23/11晚未能入眠，好擔心好想喊！

我一生人之中，從未對偶像如此沉迷，Goro真係好靚仔好有性格，Nakai好搞笑好識搞氣氛，Tsuyoshi似乎在演唱會中好唔突出，但我一樣咁支持你o架，Takuya及Shingo是Smap不可缺少的一份子，在Smap五個人中他們都有自己的角色，Smap唔好解散呀！

鳴謝：

－　每一個曾為我出口出力拿票的友達
－　每一個比我問到好煩／好抆的友達
－　陪我去日本又不是fans的友達
－　幫我打report又幫我從仙台帶東西比我的友達
－　因門票問題而變成好朋友的友達
－　各位睇我之劣作的Smappies悶親你地，唔好意思！
－　最後……　SMAP